Повеќето од нив се помали фирми или блогови кои допринесоа за рапиден раст во последните две години. На денешно време почнаа да се појавуваат и веб страни кои се направени само туку така, за да се има. Демек во тренд е. На почетокот, кога Netcraft  започнаа со испитувања, во 1995 година, имаше 18 000 веб страни. За 9 години, во 2004 се славеше 50 милиони страници, а за 30 додатни месеци дупло се зголемува бројката на 100 милиони. Америка, Гермнаија, Кореа, Кина и Јапонија бележат најголем раст. Првата веб страна е направена во 1989 година и служела за да се бележи текот на испитувањата од областа на некој нуклеарен проект во Швајцарија. Со текот на времето бизнисите увидоа дека може од ова да се се прави пари и почнаа да го развиваат. Па потоа се појави и маркетингот, па делењето слики, видео што повеќе ги зближува луѓето и сега веќе навистина нема крај. Создавањето и одржувањето на веб страна не е некој комплициран процес. Но затоа, пак, секој што сака да има професионална веб страница, ќе мора доста поскапо да плати, или да се задоволи со примитивната имитација на комплетна веб страна, изработена од внукот или од соседот во петто одделение. Најмалиот проблем е да се подигне една хтмл страница. Но креирање на креирањето на комплетна веб страница, со дизајн, оптимизирање, брзо исчитување, програмски дел...бара инвестирање на доста време и знаење. Сепак...започнавме, и да завршиме...со честитките за 100-те милиони веб страници.